2022 s. mart ayınıñ 31-inde Ukraina Prezidentiniñ ofisindeki neticeler brifingi vaqtında Vitse baş nazir İrina Vereşçuk bunı añlattı.

O, Zaporijjâğa tahliyeniñ öz naqliyatınen olğanını daa doğru ayttı.

Mariupoldan 631 kişi ve Berdânsk, Melitopol, Enerğodar, Poloğı, Orihiv, Ğulâypole ve Vasılivka kibi Zaporijjâ vilâyetiniñ meskün yerleriniñ 827 sakini çıqtı.

“Bugün Berdânskqa 45 tahliye avtobusı keldi, – dep Vitse baş nazir qoştı. – Amma işğalciler olarnı şeerge yol bermediler. 600 kişi şeerdep çıqıp avtobuslarğa keldi ve yarın saba Zaporijjağa ketecek olmalı. Saba mariupollılar ve berdânsklılarnı Zaporijjâğa ketirmek içün 30 avtobus Berdânsknıñ kirişinde tura”.

İrina Vereşçuknıñ sözlerine köre, bugün Melitopoldan gumanitar yardımnen tolu 12 tahliye avtobusı çıqtı. Onı, yazıq ki, işğalciler tutıp aldılar. Bu, 14 tonnalıq azıq mahsulatı ve ilâç yükü edi.

“Bu, Halqara Qırmızı Haç Eyyetiniñ sanki işleycek koridorlar aqqında añlaşmaları ve kefaletleriniñ fiyatıdır! Avtobuslarnıñ qaytrılıması ve Melitopolnıñ sakinleriniñ yarın olar vastasınen Zaporijjağa kete bilmeleri içün şu anda aytışmalar keçiremiz», – dep İrina Vereşçuk qayd etti.

Daa o, bugün Enerğodar şeerinden yolcularnen 50 şahsiy maşnanıñ ve balalarnen bir avtobusnıñ ketkenini añlattı. Olar tüm blok noqtalarını keçtiler ve endi Zaporijjâda bulunalar.

“Yarın Mariupolğa gumanitar koridornı “teşip keçmege” devam etecekmiz ve insanlarımıznı öz başlarına qalmaycaqmız. Bizim ortaq Ğalebemizge yolunı israrnen açacaqmız!», – dep memur söz berdi.