burger

İrina Vereşçuk: «Ortaq Fondu birinciden energiya semereliligi leyhaları içün para berecek»

Опубліковано 2 February 2022 року, о 17:00

Donetsk ve Lugansk vilâyetlerinde energiya semereliligi leyhalarını yerine ketirmek içün «Quvetli Ukraina içün işdeşlik» fondunıñ maqsatlı resursları qullanılacaq. Bunı Ukraina Vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk jurnalistlerge añlattı.

Laf, içtimaiy müessiselerniñ qızdıruv teminatını yañartqanda energiya teftişini keçirüv aqqındadır. Şimdi anda yaşağan vatandaşlarınıñ bunı yapmağa imkânı yoq, bunıñ içün Fond olarğa bu saada, cemiyetlerniñ tesbit etkeni binalarnıñ qızdıruv teminatını yañartmağa yardım etecek. Bu cümleden, bu, em bala bağçaları, em mektepler, em de başqa içtimaiy astyapı ola bilir.

«Lugansk ve Donetsk vilâyetleriniñ cemiyetlerine energiya teftişini yapmağa yardım etesek, 2022 s. Ükümetniñ para ayırğanı qızdıruv teminatını yañartma halqara programmasınıñ imtiyazlarını qullana bilecekler. Böylece biz em halqara ortaq Fondu, em de devlet bücetinden para bergeni leyhalar yardımnen yardımnı birleştirecekmiz. Böyle sinergiya pek kereklidir», – dep İrina Vereşçuk emin etti.

Fondnıñ bütün leyhaları, itinanen yapılğan teftiş astında olacaq. Vereşçuk hanım söylegeni kibi, er bir funt, er bir yevro, er bir ğaye semereli tarzda kerçekleştirilecektir. Halqara teftiş ve içki teşkilâtları kibi eki teşkilâtnıñ nezareti astında Fondnıñ parasını qullanuvı olacaq. Bu cümleden, leyhalarnı keçrekleştirecek Chemonics International Inc. halqara konsalting şirketidir.

Aynı zamanda Reintegratsiya nazirligi siyasiy seviyede meslearlarnı keçirecek ve mezkür leyhalar çerçivesind yardımnı yollaycaq.

Qoşma malümat. 2021 s. avgust ayınıñ 24-ünde Büyük Britaniya, Kanada, AQŞ, İsveçre ve İsveçiya, kerekli vesiqanı imzalap «Quvetli Ukraina içün ortaqlıq» fondunı teşkil etme niyetini ilân ettiler. 2022 s. fevral ayınıñ 2-sinde Fond resmen çalışmağa başladı. Eñ zayıf cemiyetlerge yardım etmege, grajdan-arbiy işdeşligini pekitmege ve Lugansk ve Donetsk vilâyetlerinde energiya semereliligini yahşılaştırmağa yönelgen ilk azırlanğan leyhalar endi tasdıqlandı.