Lehistan tışqı işler naziri – ATİTnıñ başı Zbignev Raunen körüşken soñ jurnalistlernen laf etkende Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

Oşçadbank, vatqınca işğal etilgen topraqlarda yaşağan ukrain vatandaşlarını pensiyaları ve içtimaiy ödevlerini ödemesinen temin etmektedir. Onıñ, para almaq içün identifikatsiya etmege kerekligini qanunlı tarzda tesbit etken tertiplemeleri bar. Rusiye Federatsiyasınıñ KÇYKlerini bloklağanı içün 2020 senesinden berli bankta identifitasiya etmek, vaqtı tolğan kartını yañı birine deñiştirmek ve para almağa devam etmek içün ukrain vatandaşlarınıñ sıñır sızığını keçmege imkânı yoqtur.

«Biz siyasiy adımnı yapıp Oşçadbanknıñ kartlarınıñ işleme vaqtını 2022 s. aprel ayınıñ 1-ine uzattıq. Yazıq ki, seneniñ başından pek az vatandaşı identifikatsiya etti ve şimdi Oşçadbank haber ete: endi fevral ayında protseduranı başlamasalar, banknıñ mart ayında ise yañartılğan kartlarnı bermege imkânı olmaycaq. Neticesinde buhran olacaq, çünki aprel ayınıñ 1-inden on biñlerce insan ödevlerini alma aqqından marum olacaq. KÇYKlerinde Oşçadbank endi bar, insanlar tek sıñır sızığını keçmek kerekler. Faqat RF alâ daa bunı bloklamaqtadır», – dep Vereşçuk añlattı.

Vitse-baş nazirniñ fikrine köre, RFnıñ böyle areketleri, Ukraina tarafından garantiya etilgen hızmetlerni alıp olmağan vatandaşlarnıñ aqlarını ciddiy sıñırlamasını kösterir.

Keçenlerde İrina Vereşçuknıñ, İsveçiya halqara inkişaf ve işdeşliknen bağlı meseleler naziri Matilda Ernkransnıñ reberliginen İsveçiyanıñ delegatsiyasınen körüşüv vaqtında RFnıñ KÇYKlerinibloklanma meselesini muzakere etkenini hatırlatamız. İsveç ortaqları, rus tecavuzından zarar körgenlerge yardım etmege yönelgen gumanitar leyhalarda Ukrainanı destek etkenini inandırdılar.