Lugansk vilâyetiniñ Severodonetsk territorial cemiyetinde Minağa qarşı faaliyetler koordinatsiya gruppası, tasil, sağlıq saqlama, içtimaiy qorçalama, grajdan qorçalaması bölgeleriniñ ve arbiy-grajdan memuriyetleriniñ başlarınıñ ve Milliy politsiyanıñ ve Fevqulâde vaziyetler devlet hızmetiniñ territorial bölgeleriniñ iştirakinen nevbetteki oturışnı keçirdi.

Oturışnıñ iştirakçileri, 2022 s. içün mina ve patlayıcı şeylerniñ telükeleri ve olarnı tapqanda özüni tutuv qaideleri aqqında malümat berüvge dair planını baqıp tasdıqladılar. Böyle işniñ yerli hususiyetleri de muzakere etildi.

Müim meseleler arasında – yerlerde mina telükesi aqqında köstermeli, malümat qullanmalarınen temin etüv, oflayn şekilde uzaqlıqta yerleşken mesün yerlerde malümat bermege teşkil etüvdir. Bunıñ içün Reintegratsiya nazirligi kerekli oquv materiallarını Severodonetsk cemiyetiniñ tasil yurtlarına berdi.

2022 s. yanvar ayınıñ 27-si ve 28-i künleri Koordinatsiya gruppalarınıñ oturışları keçirilgen Donetsk vilâyetiniñ Lıman, Konstântınivka, Soledar, Çasiv Yar cemiyetler de oquv materiallarını aldılar.

Keçenlerde 2022 s. içün tedbirler planları Donetsk vilâyetiniñ başqa 5 cemiyetinde, bu cümleden birinciden Oçeretın, Krıvıy Rih ve Çerkası territorial cemiyetlerinde, dundan soñ Slovyansk ve Krematorsk şeer territorial cemiyetlerinde tasdıqlandı.

2021 s. iyül ayında Donetsk vilâyetiniñ Vugledar territorial cemiyetinde ilk Minağa qarşı faaliyetler meseleleri koordinatsiya gruppasınıñ teşkil etilgenini hatırlatamız.

Reintegratsiya nazirliginiñ planlarında yaqın zamanda Donetsk ve Lugansk vilâyetleriniñ bütün cemiyetlerinde Minağa qarşı faaliyetler meseleleri koordinatsiya gruppalarını teşkil etmektir.