Brifing vaqtında Vitse baş nazir – Ukrainanıñ vaqtınca işğal etilgen topraqlarınıñ reintegartsiya meseleleri naziri İrina Vereşçuk, mart ayınıñ 17-sindeki gumanitar koridorlarnıñ işiniñ neticelerini añlattı. Onıñ sözlerine, planlaştırılğan 9 koridordan tek 8 işledi.

Donetsk vilâyeti – Mariupol şeerinden deyerlik 800 şahsiy maşna ketti.

«Daa insanlar yürüyerek şeerden keteler. Şu anda Zaporijjâ şeerine bugün endi 2 biñden ziyade insan keldi. Amma insan aqını bitmey. Mariuoldan ketken er kes içün Berdânskta vaqtınca yardım noqtaları teşkil etildi. Daa yarın böyle noqtalar em de Manğuş şeerinde açılacaq. Yürüyerek ketken er birini Berdânskqa ketirilecek», – Vereşçuk dep qayd etti.

Bugün Zaporijjâdan Berdânskqqa yollanğan benzin maşnalar sutunı Vasılivka qasabasındaki blok noqtasında toqtatıldı ve tek yarın saba ketmege devam etecek. Daa yarın saba Zaporijjâ şeerinden marşrut boyunca insanlarnı Mariupoldan Berdânskqa ketirecek daa 10 avtobus yollanacaq.

Kıyıv vilâyeti – bugün gumanitar koridorlar vastasınen umumen 3 810 kişi tahliye etildi ve tahminen 40 tonnalıq azıq ve ilâç ketirildi.

• Borodânka şeerinden Jıtomır şeerine sakinlerinen 20 avtobus çıqtı, bu tahminen 160 kişidir.

• Şevçenko köyünden ve qomşu köylerinden Brovarı şeerine 41 avtobus ve 200 lahsiy maşna çıqtı. Bu tahminen 1 500 kişi.

• Daa azıq ve ilâçlardan ibaret olğan 36 tonnalıq gumanitar yardım Ğostomel, Buça şeerlerine, Semıpolkı, Markivtsi ve Opanasiv köylerine ketirildi.

İşlemegen koridor:

Harkiv vilâyeti. Ateşler sebebinden Harkiv şeerinden Vovçansk şeerinde gumanitar yardım içün bir koridor işlemedi.

«Gumanitar yardım ketirmek içün marşrutlar aqqında kelişmege çaılşmaqtamız. Bütün qırşavlanğan ve bloklanğan şeerler içün», – Vitse nazir dep qayd etti.