2022 s. mart ayınıñ 23-ünde gumanitar koridorlarnıñ işlemesiniñ neticelerine köre 4,5 biñden ziyade tunç yaşağan vatandaş tahliye etildi.

Donetsk vilâyeti:

Mariupoldan Zaporijjâğa öz naqliyatınen deyerli 3 biñ sakinleri tahliye etildi. Daa tünevin Berdânskqa ketken gumanitar yardımnen avtobuslar ve yük maşnaları işğal ordusı tarafından şeeriniñ kirişinde bütün kün boyunca bloklana edi.
Vasılivka blok noqtasında kün boyunca işğalciler, mariupollılarnıñ tahliyesi içün daa avtobuslar sutunını ve benzin maşnasını tuta ediler. Sutun Tokmak şeerinde gecelemege qaldı ve yarın saba Berdânskqa ketmege devam etecek.
Tünevin Manğuş şeerinde sebepsiz tutulğan bizim FVDHniñ qurtarıcıları ve avtobuslarnıñ aydayıcıları yarın azat etilmeli.

 Zaporijjâ vilâyeti:

Yazıq ki, vasılivka şeerindeki blok noqtasında işğalciler, Poloğı şeerinden Zaporijjâ şeerine tahliye içün avtobuslar sutunı da bugün tuta ediler. Şimdi olarğa yol berdiler, olar marşrutqa köre ketmege devam ettiler ve yarın saba Tokmak şeerinden insanalrnı çıqaracaqtır.
Ğulâypole şeerinden Zaporijjâğa 51 kişi tahliye etildi ve şeerine gumanitar yardım ketirildi.

Kıyıv vilâyeti:

Velıka Dımerka ve Boğdanivka qasabalarından Brovarığa 769 yerli sakin tahliye etildi.
Bugün işğal ordusınıñ tınç rejimini bozğanı sebebinden Borodânka şeerinden Bila Tserkvağa insanlarnı yañıdan tahliye etemedik.
Svitılnâ köyünden Brovarı şeerine 150 kişi tahliye etildi.

Lugansk vilâyeti:

Rubijne, Lısıçansk, Severodonetsk, Kreminna şeerlerinden ve Nıjnye qasabasından Bahmutqa 672 kişi tahliye etildi.
Bu meskün yerlerge gumanitar koridorlar vastasınen 60 tonnalıq kontservalar, kürpeler, un ve azıq mahsulatı ketirildi.

Böylece, tahliye muntazam tarzda devam etmektedir. Er kün ukrain akimiyeti, kelişilgen gumanitar koridorlar vastasınen cebege yaqın ve cebe bölgeleriniñ sakinlerini telükesiz yerlerge ketirmege tırışa. Qalğanlar içün kerekli er şey ketirile.

Bu kün de istisna olmadı. «Daa bir kğn yaşadıq ve daa bir kün içün Ğalebege yaqın oldıq!»- dep İrina Vereşçuk hulâsa çıqardı.