Vitse baş nazir İrina Vereşçuk, mart ayınıñ 29-ı içün gumanitar koridorlarnıñ neticelerini añlattı.

Onıñ sözlerine köre, bu kün kelişilgen gumanitar koridorlar vastasınen Zaporijjâğa öz naqliyatınen 1,6 biñden ziyade kişi çıqtı. 936-sı ise Mariupoldan. Daa 729 kişi Zaporijjâ vilâyetiniñ şeerlerinden: Berdânsk, Melitopol, Enerğodar, Poloğı, Orihiv, Ğulâypole v Vasılivka. Tahliye etilgenler merkezinde qayd etilgen soñ insanlarğa tüm kereli yardım etilir.

«Aynı zamanda, – dep Vitse baş nazir qayd etti, – bugün tüm kün boyunca Vasılivka şeerinde işğalciler, saba Berdânsk, Malitopol ve Enerğodar şeerlerine yollanğan tahliye avtobusları sutunını ve gumanitar yardımnen yük maşnalarını blokay ediler».

Daa onıñ sözlerine köre, marşrut boyunca şahsiy naqliyatnen Tokmak ve Enerğodardan Zaporijjâğa ketken insanlar sutunı bloklandı.

«Aytışmalar keçiremiz ve işğalcilerniñ Berdânsk yönelişine Vasılivkadaki işni blokunı alıp taşlamalarını talap etemiz, – dep İrina Vereşçuk haberdar etti. – Yarın tüm ğayretlerimizni bugün içün kelişilgen gumanitar koridorlarnıñ – Mariupol, Berdânsk, Malitopol ve Enerğodar – çalışmasını temin etmege berecekmiz».

Daa o haberdar etti ki, bugün olğan İstanbuldaki aytışmalar vaqtında ukrain tarafı rus tarafına talapnı berdi:bugün ketmesi pek zor olğan Mariupol, Harkiv, Çernihiv ve Kıyıv vilâyetiniñ meskün yerleri kibi Ukrainanıñ eñ büyük şeerlerine gumanitar koridorlarnı mıtlaqa ve deral açmaq.

«Bu baqılmalarnıñ neticelerini birazdan körecekmiz ve duyacaqmız, – dep memur hulâsa çıqardı. – Biz ise çalışamız, gruppalaşamız, birleşemiz ve tüm ğayretlerimiz ve usullarımıznen ğalebemizni yaqınlaştıramız. Ukrainağa şan-şüret olsun!».