Vitse baş nazir İrina Vereşçuk, aprel ayınıñ 3-ü Bazar künü içün gumanitar koridorlarnıñ neticelerini añlattı.

Onıñ malümatına köre, bugün Mariupol ve Berdânsktan gumanitar koridorlar vastasınen öz naqliyatınen Zaporijjâğa 469 mariupollı keldi.

Şu anda bugün Berdânsktan 408 mariupollını tahliye etken 10 avtobus Vasılivkadaki işğal ordusınıñ soñ blok noqtasını keçe.

«Rus askerleriniñ tünevinden başlap tutqanı avtobuslar sutunı blok noqtalarını keçe bildi – olar Mariupol ve Berdânsktan 350den ziyade kişini ketire»,- dep İrina Vereşçuk añlattı.

Manğuşqa Halqara Qırmızı Haç eyyetiniñ delegatsiyasınıñ ozğarmasınen daa 7 avtobus keldi. Rf olarğa daa aprel ayınıñ 1-inde Mariupolğa yol berdi. Tünevin Mariupolğa ketmege devam etmesi içün şu anda aytışmalar keçirilir, dep Vitse baş nazir daa doğru ayttı.

Lugansk vilâyetiniñ Lısıçansk, Severodonetsk, Rubijne ve Kreminna şeerlerinden deyerli 1,5 biñ sakin tahliye etildi. Bu zor edi. Çünki, añlaşmalarğa baqmadan – Lugansk vilâyetindeki tahliye vaqtında işğalciler, tınç rejimini muntazam tazrda boza ediler, dep memur hulâsa çıqardı.