burger

İrina Vereşçuk: «aprel ayınıñ 8-inde 6 665 vayandaş tahliye etildi»

Опубліковано 9 April 2022 року, о 8:52

Vitse baş  nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Cuma künü tahliyeniñ neticelerini ve mariupol gumanitar koridorı meselelerini añlattı.

Umumen bu kün içinde saat 22-de deyerli 6,7 biñ vatandaş tahliye etmege becerdik, dep memur hulâsa çıqadı.

Mariupol ve Berdânsktan koridornı 5 158 vatandaş qullandı: olar öz naqliyatınen ve tahliye avtobusları vastasınen Zaporijjâğa keldiler.

Olarda:

– 1 614-ü – Mariupoldan.

– 3 544-ü – Zaporijjâ vilâyetiniñ Poloğı, Vasılivka, Berdânsk, Tokmak, Melitopol, Enerğodar, Orihiv ve Ğulâypole şeerlerinden.

Aynı zamanda, Melitopolda işğalciler, esir etkeni 8 tahliye avtobusını endi 24 saattir tutalar.

«Bu avtobuslarnı qaytramasları ve añlaşmalarğa mücibi olarğa yerli sakinlerni tahliye etmege izin bermeleri içün aytışmalar keçiremiz»,- dep İrina Vereşçuk haberdar etti.

Saba Zaporijjâdan Berdânskqa yollanğan avtobuslar sutunı marşrut boyunca ketmege devam ete.

«Bu avtobuslarnıñ ketecek yerine kelip endi yarın saba yerli sakinlerni tahliye etmesi içün mümkün olğan er şey yapamız»,- dep Vitse baş nazir qayd etti.

Bugün Lugansk vilâyetiniñ Lısıçanskü Severodonetsk, Rubijne, kreminna şeerlerinden ve Ğirske qasabasından 1 507 kişi tahliye etildi.

Memur, Mariupolğa gumanitar koridornen bağlı olğan Melitopol, Enerğodar ve başqa şeerlerde şimdi olğan vaziyet aqqında sual açtı.

«Yazıq ki, bugün anda Ukainanıñ nezareti astında olmağan vaqtınca akimiyet (oña böyle aytmaq mümkün olsa) bar. Ğalına Dannılçenko hanım – Melitopolnıñ “Gauleiter”i; ürmetsiz Andriy Şevçık bey – işğalcilernen işdeşligi yapqan (şaşırtqan şey yoq) AİMPniñ vekilidir. İşğal akimiyetinen işdeşligi yapmağa, meselelerni çezmege, kimniñ qayda ketecegine, kimniñ ise ketmeycegine, gumanitar yükni qayda üleştirecegine, gumanitar koridor olaraq işlegen yolda avtobuslarnı ne vaqıt musadere etecegine, ne vaqıt ise musadere etmeycegine qarar bergen başqa hızmetçiler (olarğa böyle deyik) de bar… Tamam olarğa murcaat etem – olarnıñ meni diqqatnen diñlemeleri içün! – dep Vitse baş nazir diqqat celp etti. – Bu, halqara gumanitar uquqqa mücibi gumanitar bit koridordır. Bu koridor işlegende bu tür areketler, halqara gumanitar uquqnıñ qaba bozulması olaraq sayılır. Tüm areketleriñiz qay etildi! Kıyıvdan sizni pek yahşı köremiz. Siziñ ne yapqanıñıznı, tüm añlaşmalarıñıznı ve gizlemege tırışqanıñız er şeyni bilemiz. Bunı yapalmaycaqsıñız! Özüm söz berem. Yazıq ki, alâ daa (bunı qayd etem – alâ daa) ukrain akimiyetiniñ nezareti astında olmağan toprağında şimdi olğan er şey içün tolunen ceza alacaqsıñız. Ve bu, Ukraina Ceza Qanunnamesiniñ 111. maddesine mücibi tek sizni beklegen 15 sene degildir. Halqara makemede, şimdi insanlarımıznı öldürgen, Kramatorsknıñ vokzalındaki onlarca qadın ve bala raketanen maqsatlı öldürgen işğalcilernen aynnı derecede ceza alacaqsıñız»,- dep İrina Vereşçuk bildirdi.

«Bugün tek bir şey ayta bilemiz: birleşeyik! – dep ukrainalılarğa muracaat etti. – Beraber çalışayıq! Ordumızğa, göñüllilerimizge, bir-birimizge yardım eteyik! Yañı işğalden soñ akimiyette olmağa şimdi hayal etken o “gauleiter”ler, hainler aqlı ceza alacaqlardır. İnanıñız, bugün Mariupol ve Zaporijjâ arasındaki Tokmakta, Berdânskta bir qaç kün devamında turaraq qıynağan, çıqamağan er kes – sizni duyam. Manğuşta – sizni duyam… Er kün duyam ve körem! İnanıñız – olar tolunen ceza alacaqlardır»,- dep Vitse baş nazir İrina Vereşçuk inandırdı.

O, Mariupol ve Zaporijjâ vilâyetiniñ bloklanğan şeerleri içün gumanitar koridor açmaq ve insanlarnı Lugansk vilâyetinden tahliye etmek içün çalışmağa devam etecegini añlattı.