Leh Wiadomosci.wp.pl neşriyatına intervyü bergende Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrına Vereşçuk, rfnıñ, yaramay demografik vaziyetini qurtarmağa ve ukrain balaları ve qadınları vastasınen patologiya içtimaiy meselelerini qolaylaştırmağa tırışqanını añlattı.

Onıñ malümatına köre, vaqtınca işğal etilgen topraqlardan sürgün etilgen grajdan ukrainalılarnıñ sayısı endi bir qaç on biñ ola bilir.

«Ruslar, demografiyasını qurtarmaq içün qadınlarımıznı ve balalarımıznı depressiya bölgelerine zornen ketirirler. Hırsızlanğanlarnıñ Ukrainağa keri qaytmamaları içün pasportları alınır. Bunlar, Stalinniñ Qazahistanğa sürgün etilgen qırımtatarlarğa ya da ukrainalılarğa qarşı qullanğanı usullarıdır. Tarih, ola bilgen eñ yaramay şekilde terkar eter. Bu kereçek bir felâket, bu insanlıqqa qarşı bir cinayettir!»- dep memur qayd etti.

Hatırlatamız ki, Mariupol şeer şurasınıñ malümatına köre, cenk areketleri vaqtında Mariupoldan Rusiye Federatsiyasına bir qaç on biñce vatandaşı zornen sürgün etildi. Aynı zamanda rf adetince çoq daa ziyade sayıda sürgün etilgen ukrainalı aqqında malümat yayınlar – bunıñ içün duşman, grajdan ealiniñ (hususan mariupollılarnıñ) kütleviy öldürilmesinen bağlı isbatlarnı yoq etmege ve Donetsk vilâyetini ñ vaqtınca işğal etilgen toprağında filtr tedbirlerine oğraşqanlar aqqında malümatnı gizlemege tırışır.