burger

Qırımnıñ müstemlekecileri siñirleneler

Опубліковано 10 February 2023 року, о 13:40

Ukraina Mudafaa nazirliginiñ İstihbarat baş idaresi (İBİ) bu aqqında haber berdi. Müstemlekeciler siñirleneler ve evelden quvetlengen telükesizlik tedbirlerini qullanalar.

İBİ, Qırımnıñ işğal “akimiyet”iniñ ve tfhniñ yerli bölükleriniñ terrorcılıq telükesiniñ yüksek (“sarı”) seviyesini tesbit etüv aqqında qararı esasında bu tür neticeler çıqardı.

Bu qarar, yarımadanıñ bazı meskün yerlerine aittir. Ve naqliyat astyapısı obyektleri, mesken-kommunal ve suv hocalığı, sağlıq qorçalav, sanayı, yaqar-energetik saalarına da aittir.

Qırımda tfhniñ ve iinniñ bölükleri acele azırlav vaziyetine ketirile. Olarğa “yarımadada naqliyat, … rus vatandaşlarınıñ ve ecnebiylerniñ ketmeleri ve vaqtınca yaşama yerini mecburiy qayd etüv üzerinde nezaretni quvetleştirmege” emir etildi.

İşğal mnsniñ bölükleri “qurtaruv ameliyatları”na acele olaraq azırlanalar. Yerli memuriyetler ise “insanlarnı vaqtınca yerleştirmek içün” yerler ayırmalılar.

Aynı zamanda sağlıq müessiseleri, “ecele yardım bermege” ve “tibbiy tahliye”ge adaptirleneler.

“İşğalcilerniñ böyle “telükesizlik tedbirleri”, ukrain Mudafaa quvetleriniñ Qırımnı işğalden azat etüv operatsiyasını başlanğıcına azırlav temsilidir”, – dep İBİ tüşüne.

Ukraina ReNazirligi, Qırımnıñ sakinlerini muqayt ve diqqatlı olmağa çağıra. Tariklerge oğraşmañız, sakin oluñız, qalabalıq yerlerden uzaq turuñız ve imkânıñız olsa, rus askerleri ve strategik obyektler yanında olmañız.

Qırım – Ukrainadır!