Halqara ve ukrain taqiqatçıları, inkâr etilemez delillerni topladılar. Bu bilgiler esasında Halqara cinaiy makemeniñ (HCM) tecavuczı bir devletke qarşı ilk eki dava acmaq niyeti bar: ukrain balalarını hırsızlav ve tecavuzcılarnıñ Ukrainanıñ grajdan astyapısı obyetklerine mahsus çoq ateşi aqqında.
Bu, cenkniñ başlanğıcından berli rusiyege qarşı ketirilgen ilk halqara qabaatlardır.
Öz menbalarına atıf eterek, The New York Times gazetası bu malümat yayınladı.
HCM, eki davada qabaatlanğan kişilerni tevqif etmek içün orderlerni almağa tırışacaq.
İmkân bar ki, şahsen volodımır putinge de qabaatlar oqunacaq. Devletniñ başı immuniteti oñâ yardım etmeycek: cenk cinayetleri, insaniyetke qarşı cinayetler ya da genotsidnen bağlı davalarda makeme, bu tür immunitetni tanımaycaq.
Balalarnı hırsızlav aqqında dava, ufaq balalardan ösmürlerge qadar 18 yaşına yetmegen ukrainalılarnıñ sürgünligi aqqındadır.
Baş prokuror Karim Hannıñ sözlerine köre, taqiqatıları içün bu dava prioritetindedir.
Taqiqatçılarnıñ ögrengenlerine köre, krelmniñ para bergeni programma çerçivesinde balalarnı Ukrainadan ketirip, rus vatandaşlarını yaptıraraq ailelerde yerleştirdiler. Ya da “yañıdan terbiyelemek” içün yaz lagerlerine yolladılar. Mezkür balalar aralarında bala evlerinden ya da internatlardan balalar bar ediler. Yel universiteti ve AQŞ devlet departamentiniñ esabatında Ukrandan balalarnı tutqanı rf topraqlarında 43 lager aqqında yazıldı.
“Cenk balaları” balalarnı qıdıruv ukrain devlet portalınıñ aktual bilgilerine köre, bugünge qadar işğalciler 16 226 balanı sürgün etti.
ReNazirligi ve Milliy malümat bürosı (MMB) sürgün etilgen balalarnı tapıp Vatanına qaytarmaq içün mümkün olğan er bir usul qullanalar.
Balanıñ sürgünlik vaqiasını ögrenseñiz, MMBnıñ 24 saat işlegen sıcaq hattına haber beriñiz:
– 16-48 ve (044) 287-81-65,