burger

Sürgün etilgen balalarnı qaytarmaq – Prezident Zelenskıynıñ prioritetlerinden biridir

Опубліковано 17 March 2023 року, о 21:30

«1+1» telekanalınıñ studiyasında Ukraina vitse baş naziri İrına Vereşçuk bunı bildirdi. O qayd etti ki, bu vazife yapmaq içün mümkün olğan er bir alet ve usul qullanılacaq. Olar arasında – halqara birleşüvni yaratmaq, sanktsiya siyaseti, ait olğan insanlarğa qarşı cinaiy davalarnı açmaq v.i.

“Prezidentniñ Ofisinde Balalarnı qorçalav ve telükesizligi meseleleri idare şurası bu vazife yapa. POniñ reberi Andriy Yermak onıñ başıdır. Bundan ğayrı, onıñ terkibinde Ukraina Baş prokurorı Andriy Kostin. Bizim maqsadımız – balalarnı tek qaytarmaq degil, qabaatlı insanlarnı da mesüliyetke çekmektir”, – dep İrına Vereşçuk añlattı.

O qoştı ki, er bir sürgün etilgen bala aqqında malümat, kerçekten de parça-parça tolmağa mecbur olalar. Tecavuzcı bir devlet ne olarğa irişim, ne de olar aqqında malümat bere. Şu cümleden BMTnıñ müessiselerine, Halqara Qırmızı Haç Teşkilâtına ve başqa er bir teşkilâtqa. 

“İzleriniñ coymaları içün ruslar er şey yapsalar da, akimiyet er bir ukrain balasını qaytarmağa cenkleşecek. Bu genotsid cinayetiniñ müddeti yoq, anda qabaatlı olğan er kes mıtlaqa cezalandırılacaq”, – dep vitse baş nazir hulâsa çıqardı.