Bu sene çiçek ayında Anastasiya vaqtınca işğal etilgen Luhansk vilâyetinden 14 yaşındaki Pavlo adlı qardaşını qaytarmaq ricasınen ReNazirligine hitap etti. O zaman Lısıçansktan Dniproğa köçti. Qardaşı ise VİETda qaldı.

Böyle oldı ki, keçenlerde oğlan öksüz qaldı. Onı Luhansktaki bala evinde yerleştirdiler.

Anastasiya bunı ögrendi ve eñ çabik tarzda onı almağa qarar berdi. Cenk vaziyeti vaqtında Ukrainada işlegen sadeleştirilgen protsedurağa mücibi vasiylik vesiqalaştırdı.

Keçenlerde Anastasiya ve Pavlo Ukrainağa beraber qayttılar. Umumne bütün ceryan bir ay sürdi. Beraber zor bir yol keçtiler. Amma aileniñ birleşmesi buna değer edi.

ReNazirligi, daa bir ukrain balasınıñ qaytmasına yardım etken “Bala aqları içün ukrain ağı” içtimaiy birleşmesine açıq göñülden minnetdarlığını bildire.

Unutmañız: vaqtınca işğal etilgen ya da rf topraqlarına balalarnıñ qanunsız tahliyesiniñ şaatı olsañız, ReNazirliginiñ profil mütehassısı Nataliya Yemetske mıtlaqa haber beriñiz: (050) 562-03-13. Bundan ğayrı, Milliy malümat bürosınıñ sıcaq hattına telefon etmek mümkün: 16-48.