Bugün vitse baş nazir İrına Vereşçuknıñ başlığınen azat etilgen topraqlarnıñ ealiniñ diniy reintegratsiyasına bağışlanğan oturış keçirildi.

Umumiy ukrain kilseler ve diniy teşkilâtlar şurası, Diniy serbestlik institutı, Qavmiy siyaset ve insaf azatlığı devlet hızmeti, Prezidentniñ Ofisi, Mudafaa nazirligi, başqa quvet müessiseleri ve meraqlanğan akimiyet organlarıniñ vekilleri bu meselelerni muzakere ettiler.

Şu cümleden, din adamlarınıñ ayrıca işğalden azat etilgen topraqlarda ealige gumanitar yardım ve ruhiy destek bermelerine diqqat ayırıldı.

Çünki cenk şartlarında diniy teşkilâtlar, kerçekten gumanitar hablar oldılar. Şu anda olarnıñ rolü, Ukrainanı yañıdan quruv ceryanında soñ derecede müimdir, dep vitsde baş nazir inana.

“Din adamları, işğalden azat etilgen topraqlarnı yañıdan quruv hadimleri yedegine qatılmalılar. Bu, bizim insanlarımıznı ayatına qaytarmağa yardım etecek areketleyici bir küçtir. Ruhiyatçılarnen aynı seviyede tamam papazlar askerlerniñ ailelerine, devlet içinde alınğan kişilerge ve cenkten zarar körgen başqa insanlarğa yardımcı olalar”, – dep İrına Vereşçuk qayd etti.