Vitse baş nazir İrına Vereşçuknıñ başlığınen Devlet içinde alınğan kişilerniñ aq-uquqlarını kerçekleştirmege teim etüv meseleleri idare ştabınıñ oturışı keçirildi.

Oturışta ReNazirligi, İçtimaiy siyaset nazirligi, Veteranlar nazirligi, Maliye nazirligi, Mudafaa nazirligi, Pensiya fondu, vilâyet arbiy memuriyetleri, Ukraina Qırmızı Haç Teşkilâtı (UQHE), başqa müessiseler ve teşkilâtlarnıñ vekilleri ve halq mubesları iştirak ettiler.

Bundan ğayrı, oturışnıñ iştirakçileri “Prıhıstok” leyhasını yerine ketirüv meselelerini muzakere ettiler. Oña mücibi devlet içinde alınğan kişilerni öz evlerinde bedava olaraq yerleştirgen insanlarğa tazminat ödenir. 

UQHTnıñ parasınen leyha maliye etilir. Bu teşkilâtnıñ vekili haber berdi ki, oraq ayınıñ 20-sinde saban-çiçek aylarındaki mesken-kommunal hızmetleri içün tazminat ödenmege başlaycaq.

Bu meseleniñ muzakeresi vaqtında İrına Vereşçuk, UQHT içün bilgilerni tasdıqlama protsedurasınıñ qolaylaştırılmasını işlemege avale etti. Şu anda ecnebiy ülkelerde bulunğan evlerniñ saipleriniñ bu programmağa mücibi devlet içinde alınğan kişilerge bere bilmeleri içün. 

VAMniñ vekilleri, ReNazirliginiñ sıcaq hatlarına DAK devlet yardımı ödemelerine dair hitaplarınıñ işlenmeleri aqqında esabat berdi. Bu meselelerniñ çoqusı endi al etildi.