Devlet hazine idaresi, Herson vilâyetiniñ saknilerine maliyeviya yardım ödemek içün 2,66 million grivna endi üleştirdi. Böylece, ilk 532 insan devletten 5 biñ grivnalıq yardım alacaq. Olarnıñ arizalarına mücibi bank esaplarına para yollanacaq.

Vitse baş nazir İrına Vereşçuknıñ başlığınen Kahovka GESnıñ patlatılması neticesinde zarar körgen ealige para ödemelerine dair eyyetlerarası oturışta bu aqqında laf oldı.

Tedbirde ReNazirligi, İçtimaiy siyaset nazirligi, Maliye nazirligi, İqtisadiyat nazirligi, Ukrpoşta, halqara teşkilâtlar, Herson ve Mıkolayiv vailâyet arbiy memuriyetleriniñ vekilleri iştirak ettiler.  

Oturışnıñ iştirakçileri, Nazirler Kabinetiniñ Mıkolayiv ve Herson vilâyetleriniñ Kahovka GESnıñ patlatılması neticesinde zarar körgen sakinlerine para yardımını ödeme aqqında qararını yerine ketirüv vaziyetini muzakere ettiler.

Devlet yardımından ğayrı, bu vilâyetlerniñ sakinleri halqara teşkilâtlardan maliyeviy destek ala bilirler. BMTnıñ klasteriniñ vekilli bildirdi ki, şu anda 6600 grivnalıq yardım endi eñ az 12 biñ zarar körgen insanğa yollandı ve ödemeler yapılmağa başladı.

“Suv basıluvından zarar körgen insanlarğa bir kerelik para yardımını ödeme devlet qararı bar. Bu, Prezidentniñ qararıdır. Ödeme ceryanını mümkün olğan tarzda çabikleştirmelimiz. Bundan ğayrı men, insanlarımıznı destek etmege yardım etken halqara teşkilâtlarğa teşekkür bildirem”, – dep İrına Vereşçuk qayd etti.