“İnter” telekanalınıñ canlı yayınında vitse baş nazir İrına Vereşçuk bunı qayd etti. O tafsilâtlıca añlttı ki, laf yetşikenler içün 2 biñ ve saqatlılar ve balalar içün 3 biñ grivnalıq yaşayış ödemeleri aqqındadır. 

Memurnıñ sözlerine köre, şu anda Ukrainada deyerli 5 million DAK qayd etildi, olardan 2,6 million kişisi ödemeler alır. Keçken sene  bu insan kategoriyasınıñ ödemelerine 57 mlrd grivna ayırıldı. 2023 senesi evelden bildirilgen para miqdarı ise 72 mlrd grivnadır. Bu, telükesizlik ve mudafaa saasından ğayrı devlet bücetinden eñ büyük masrafıdır, dep vitse baş nazi qayd etti.

İçtimaiy siyaset nazirliginiñ azırlağanı ve oraq ayında tasdıqlanğan qararğa köre, bu tür devlet destegine eñ çoq ihtiyac duyğan insanlarğa ödemeler yapılacaq.

“Misal içün çıqqan ve muntazam tarzda ecnebiy ülkelerde yaşağan ya da öz evlerine qaytqan vatandaşlar, bu tür ödemelerni almaycaqlar. Vaqtınca müim sebeplerden çıqqan insanlardan ğayrı: iş seyaatı, oqumağa, tedaviylemge, hastanıñ ozğarcısı v.i. Bundan ğayrı İçtimaiy siyaset nazirligi ve Maliye nazirligi, alıcılarnıñ verifikatsiyasını keçirecekler. Devlet destegine kerçekten ihtiyac duyğan DAK yardım ödemelerini alacaqlar”, – dep İrına Vereşçuk hulâsa çıqardı.