Prezident Ofisiniñ reberi Andriy Yermak ve AQŞ Prezidentiniñ milliy telükesizlik sabıq mesleatçısı, eçlisi MAykl Makfolnıñ başlığınen rusiyege qarşı sanktsiyalarğa dair halqara iş gruppası, eki yañı vesiqa azırladı: energetik sanktsiyalarnı pekitmek içün ve rusiye devlet yedeklerini alıp çıqarmaq kerekligine dair. Ukraina Prezidentiniñ veb-saytında bu aqqında haber berdiler.

Şu anda tecavuzcı bir devletke qarşı energetika sanktsiyalar yetersiz. Yañı vesiqada olarnı pekitmek içün teklifler bar. Bu, energiya taşıyıcılarından rus kârını eñ az eki qat azlaştırmağa imkân berecek.

Bundan ğayrı, vesiqada rus yermayınıñ fiyatını daa tüşürmege teklif eteler. Onı ketirmek içün gizli flotnıñ qullanılmasını sıñırlamağa. Bunı yapmaq içün tankerlerniñ yermaynıñ tökülmesinden kerekli sigorta aqqında tasdıqlayıcı vesiqasını alma talabını kirsetmege planalştıralar.

Ekinci vesiqada ileri ülkeler tarafından bloklandırılğan rus haqlara yedeklerini alıp çıqarmaq kerekligini qayd eter. Bu ceryannıñ esas subyekti, rusiye Tsentrobank olmalı. Onıñ parasınen rusiye ükümeti, Ukrainanı yañıdan qurmaq içün ödemeli.

Vesiqanıñ müellifleriniñ sözlerine köre, teklif etilgen rus devlet parasını alıp çıqaruv ceryanı, tek umumen ahlâqiy degil, devletniñ mesüliyeti aqqında halqara uquq printsipine mücibi uquqiy şekilde de mecburiydir.