Nazirler Kabinetiniñ nevbetçi oturışınıñ neticelerine köre Ükümet portalı bu aqqında haber berdi. Anda azırlıqnıñ esas köstergiçleri bildirildi.

Atom elektrik stantsiyalar. 7 atom enegriya blokı tamir etildi, qızdıruv mevsimi başlamadan evel daa eki tamir etilecekler. Olarnıñ umumiy qudreti – 7,8 GVt. Rivne AESa Westinghouse şirketiniñ yañı özek yaqarlığını ketirmege başladılar. O, bu tür yaqarlıqta rusiye monopoliyasını avuştırma oldı.

Qızdırıcı elektrik stantsiyalar. Mevsim başlamadan evel energik sistemağa 2,5 GVtlıq qudretni berecek 25 energiya blok çalışacaqlar.

Qızdırıcı elektrik merkezler. Cihazlarnıñ deyerli 80%-i tamir etildi, tamir işleri devam ete ve öz vaqtında bitirilecek.

15,2 biñ qazanhane, tahminen qızdırıcı ağlarnıñ 84%i, qızıdırıcı noqtalarnıñ 78%-i, mesken binalarnıñ eñ az 80%-i, mektepler, bala bağçaları ve hastahanelerniñ 86%-i qışqa azır. Bir ay devamında 100%-i azırmalıdır.

Energetikanıñ strategik obyektlerini qorçalav. Ciddiy ve muntazam iş devam ete. Keçenlerde Ükümet, yaqarlıq-energetika bölüginiñ kritik astyapısını qorçalamaq içün 9,7 mlrd grivna ayırdı.

Qızdıruv mevsiminiñ soñuna qadar gaz, qızdıruv, sıcaq suv fiyatı deñişmeycektir. Qızıdıuv teminatçıları, Naftogazdan tesbit etilgen – 7,4 grn/м³ fiyatınen mavı yaqarlıqnı alacaqlar. Bu, fiyatlarnı arttırmamağa imkân berecek imtiyazlı fiyattır.

Ukraina Ükümeti ve ortaq ülkeleri, energetikanı yañıdan qurmaq ve qorçalamaq içün birlikte 2,3 mlrd dollar ayırdılar.