Müessiseler arası Rfnıñ Ukrainağa qarşı silâlı tecavuzı neticesinde zarar körgen insanlarnıñ ruhiy sağlığını qorçalav ve ruhiy yardım berüv meseleleri idare şurasınıñ oturışı vaqtında bu aqqında laf ettiler. 

Tedbirde Müessiseler arası idare şurasınıñ azaları, şu cümleden onıñ başları – vitse baş nazir İrına Vereşçuk ve Sağlıq naziri Viktor Lâşko iştirak ettiler. Bundan ğayrı, oturışqa Prezident Ofisiniñ Reberiniñ muavini Yuliya Sokolovska, icra akimiyetiniñ merkeziy organları, nazirlikler ve vilâyet arbiy memuriyetleriniñ vekilleri qatıldılar.

Tedbirde Umumiy ukrain ruhiy sağlıq programmasınıñ yerine ketirilmesi ceetinde ruhiy-içtimaiy yardım saasında Müessiseler arası idare modeli tasdıqlandı.

Şu anda VAM ve yerli öz-özüni idare organlarınen işdeşligi vastasınen er bir insannıñ irişe bilecegi ruhiy sağlıqnıñ saqlanması içün hızmetlerni bermek üzerinde faal iş yapılır. Çünki bu mesele, Ukrainada tolu miqyaslı cenk başlağan soñ pek aktual oldı.

Müessiseler arası idare şurasınıñ başlarınıñ qayd etkenlerine köre, er bir bölgedeki vatandaşlarnıñ ruhiy destek ala bilmeleri müimdir. Çünki şimdi eñ müim vazifelerden biri, ukrainalılarnıñ ruhiy sağlığı ve ruhiy-içtimaiy varlığınıñ küçüni arttırmaq. Ve bu yolda devlet ögündeki çağıruvlarğa sistemalı, tolu şekilde yanaşmaq, muntazam işdeşlk ve birlik kerek.

Bu ceryannı tezleştirmek içün vitse baş nazir İrına Vereşçuk, vilâyetlerde bu tür faaliyetni kirsetüv tecribesinen paylaşmağa teklif etti. Şu cümleden, halqaracılarnen işdeşlik tercibesinen. Bu, bütün menfaatlı taraflarğa ortaqlıq maqsadına irişmege yardım etecektir.

“Bizge ruhiy sağlıq saasında tek devlet siyaseti kerek. Bunıñ içün men bölgelerni onıñ yerine ketirilmesine faalca qatılmaağ çağıram. Öz sözü ve işinen dünyağa Ukrainanıñ ne içün yardımğa ihtiyacı duyğanını köstergen Birinci hanımımızdan misal alayıq. Bunı birlikte yapayıq”, – dep memur hulâsa çıqardı.