Bugün işğalden azat etilecek topraqlardaki devlet hızmeti içün yedekke qatılmaq daa qolay oldı. Berim ayınıñ 29-ındaki oturış vaqtında Nazirler Kabineti, maqbul qarar berdi.

Şu cümleden, hadimler yedegine qatılmağa istegen insanlar, motivarsiya soratuvı ve umumiy eruditsiya testini keçirmek kerekmey. Çünki bu, anketanı tolduruv ceryanını pek zorlaştıra.

Bundan ğayrı, eñ yahşı qabiliyetler, şahsiy hususiyetler ve hobbiler aqqında bilgiler yazmaq kerekmey.

Bundan ğayrı, anketa, yedekke qatılmağa istegen insan aqqında bazı tafsilâtlı malümatnen satırlarnen eklenecektir. Bu, isaiy bilgilerni şekillendirmek içün kerekli.

Bugünden anketanı tek ukrain tilinde toldurmaq mümkün. Onı bergen insan, bilgileniñ aqiqatlığı içün cevapkâr.

Qayd etemiz ki, deyerli 3 aydır Ukrainada bu platforma çalışa. Ukrainanı yañıdan qurmağa qatılmağa istegen isanlarnın bu zaman devamında sistemada tahminen 2 biñ anketası qayd etildi.

Bugünden ReNazirligi ve Devlet hızmeti meseleleri milliy agnetliginden ğayrı, Devlet idareciligi yuqarı mektebi leyhanı idare eter. Çünki DHMMAnen beraber bu müessise, anketalarnı işler ve maqbul organlarda vazifeler kriteriylerine ait olğan insanlar cedvelini şekillendirir.