Vitse baş nazir İrına Vereşçuknıñ başlığınen oturış keçirildi. İştirakçiler, işğalden azat etilgen topraqlardaki Devlet migratsiya hızmetiniñ organlarınıñ işini yañıdan yaratuv meselesini muzakere ettiler.

Mevzular arasında iştirakçileriniñ diqqatı, VİETda yaşağan Ukraina vatandaşlarını identifikatsiya ve vesiqalaştıruv ve maqbul topraqlarda bulunğan ecnebiyler ve rf vaatndaşlarına dair ukrain akimiyetiniñ birinci areketleri meselelerine ayırıldı. 

DMH böyle teklif etti: qanunlarğa mücibi topraq işğal etilgen soñ VİETdan ketken ecnebiylerge dair mecbutiy qaytaruv ceryanı qullanıla bilir. Olar mecburiy qaytaruv qanunına riayet etmeseler, mecburiy sürgünlik qullanılır.

Devlet migratsiya siyaseti strategiyasında DMHniñ Qırım, Donetsk ve Luhansk vilâyetleri işğalden azat etilecek soñ anda bulunğan bu tür vatandaşlarnen işine dair areket planı bar. Oturış vaqtında meraqlanğan organlarnıñ muzakere etilgen tavsiyelerini esapqa alıp, o işlenip yañartılır.

Aynı zamanda İçeri işler nazirligi, işğalden azat etilgen topraqlardaki uquq qorçalayıcı organlarnıñ faaliyetini yañıdan yaratuv kontseptsiyasını taqdim etti. Onıñ temelinde – işğalden azat etilgen topraqlarnıñ ealisi içün telükesiz bir boşluq yaratacaq tedbirler kompleksidir.