Endi 10 senedir Anastasiya Zakrevska tortlar ve başqa tatlılıqlarnı yapa. Ailesinen Donetskte yaşağanda bala tatillerini aldı, amma uzun zamandır işsiz oturamadı. Siparişlerge tortlar, prânikler ve başqa tatlılıqlarnı yapmağa başladı. Olar, balalarnıñ doğğan künlerinde pek populâr edi.

2014 senesi Ukrainağa tecavuz başlağan soñ Anastasiya ve aqrabalrı Donetskten ketip, anda er şey qaldırdılar: dairesi, maşnası, keçkeni. Yañı şeerde, Dniproda, er şey yañıdan başlatmağa ve çoq mania aşmağa mecbur edi, amma qadın eñ sevimli işini yapmağa başladı.

Bir qaç sene çalışqan soñ Anastasiya öz qave ve tatlılıqhanesini açtı.

Şimdi ise anda askerlerni destek etmek içün para toplaylar, bizim qorçalayıcılarımız içün “qave qoyalar” ve vatanperverli işaretlernen tatlı prânikler yapalar.

Qavehanede sıcaq qave içmek mümkün. Elektrik olmağanı vaqıt yerli sakinler mında “yüklenmege” de yardım eteler. Bu yerde raatlana ve küçlerini qaytara bilmeleri içün duşman atelerinden soñ qurtarıcı işler iştirakçikerine aş bere ve isite ediler.