Şu cümleden, 15-48 buhran meseleleri sıcaq hattınıñ operatorları tahminen 249 biñ telefon hitabını aldılar. Bundan ğayrı, 2023 senesi messengerler vastasınen yollanğan deyerli 26 biñ hitapqa cevap berdiler. 

Çoqusı allarda vatandaşlar ReNazirliginiñ bu sıcaq hatlarına devlet içinde alınğan kişilerge devlet yardımı ödemelerinen bağlı suallernen hitap ettiler. Bundan ğayrı, eñ aktual meseleler arasında: halqara teşkilâtlardan para yardımı, uquqiy ve gumanitar yardım aluvı, DAKni bedava olaraq yerleştirgen mesken saiplerine tazminat ödemeleri.

2023 senesi berim ayına qadar Mahsus vaziyetlerde habersiz ğayıp olğan kişiler meseleleri vekiliniñ sıcaq hattına 172 biñ hitap yollandı. Olardan 83 biñ telefon hitabı, messengerlerde tahminen 86 biñ beyanat hitabı ve poçta vastasınen deyerli 3 biñ hitaptır. Qayd etemiz ki, bu devirde Mahsus vaziyetlerde habersiz ğayıp olğan kişiler meseleleri vekili, ReNazirliginiñ memur işi edi.

Bundan ğayrı, keçken sene ReNazirliginiñ uzurındaki Milliy malümat bürosınıñ (MMB) sıcaq hattınıñ operatorları tahminen 127 telefon hitabını aldı.

Hatırlatamız ki, qısqa nomera 15-48 vastasınen buhran meseleleri sıcaq hattına telefon etmek mümkün. Ya da (096) 078-84-33 nomerağa WhatsApp/Telegram/Viber kibi messengerlerde beyanat yazmaq mümkün. Bundan ğayrı, [email protected] elektron poçtasına yazmaq mümkün.

(066) 813-62-39 telefon nomerası vastasınen DAK meseleleri vekiliniñ sıcaq hattına hitap etmek mümkün.

MMBnıñ sıcaq hattına da telefon etmek mümkün: 16-48 ve +38 (044) 287-81-65 (ecnebiy ülkelerden telefon etkenler içün).