Vitse baş nazir İrına Vereşçuknıñ başlığınen keçirilgen mahsus oturışnıñ iştirakçileri bu meseleni bildirdiler. Şu cümleden, Lehistan Cumhuriyetindeki ukrainalılarnıñ mektep tasili aqqında laf ettiler.

“Ukrain tasilniñ inkişafı institutı” devlet müessisesinen beraber Tasil nazirligi, orta oquv yurtlarında ukrain tili, edebiyatı, tarihı ve coğrafiyası derslerinen bağlı adaptatsiya etilgen programmanı azırlap çıqardılar.

Böylece, Tasil nazirliginiñ saytında ukrain tili derslerinen bağlı usul tevsiyeleri endi yayınlandı. Başqa üç derslernen bağlı tevsiyeler birazdan yayınlanacaq, bunıñ içün şu anda olarnıñ tasdıqlanmasınen bağlı emir azırlana.

Bundan ğayrı, oturış vaqtında ecnebiyler içün ukrain tili programmasını azırlamağa ihtiyacı qayd etildi.

Vitse baş nazir, ukrain derserlinen programmanı tasdıqlav meselesini tezce al etmek ve bu tür programmalarnıñ hususiyetleri ceetinden Lehistandaki oquv yurtlarınıñ vekillerinen mesleat etmek maqsadınen maqbul müessisege iş gruppasını teşkil etmege avale etti.

Bundan başqa, derslikke ihtiyac aqqında laf ettiler. Tasil nazirliginen beraber ReNazirliginiñ başı, bu mesele al etmek maqsadınen para ayırmaları içün halqara ortaqlarnen bağlanıp subet ete.

“Berim ayınıñ 1-inde biñlerce ukrain balası ecnebiy ülkelerde mektepke baracaq. O zaman olarnıñ nasıl tasil alacaqlarınen bağlı bir mesele çıqacaq. Bunıñ içün bu meselelerni acelen çezmelimiz”, – dep İrına Vereşçuk qayd etti.