Bugünden Ukrainadan vaqtınca alınğan öksüz balalar ve ana-babasınıñ vasiyliginden marum etilgen balalarnıñ qanuniy vekilleri, tış pasportını vesiqalaştırğanda avtomatik bilgiler işlnemesiniñ fiyatını ödemeycekler.

 

Nazirler Kabinetiniñ 2014 senesi mayıs ayınıñ 7-sindeki 152. ve 2017 senesi çiçek ayınıñ 5-indeki 285. qararlarında qayd etilgen yol-yoruqlarğa Ükümetniñ bugün tasdıqlağanı deñişmeler kirsetildi.

 

Vitse baş nazir İrına Vereşçuknıñ başlığınen Cenk vaziyeti şartlarında bala aqlarını qorçalav meseleleri idare ştabınıñ oturışlarında bu mesele muzaker etildi.

 

Oturışlarnıñ iştirakçileri laf ettiler ki, şu anda Ukraina ecnebiy dimplomatik müessiselerinde tış pasportını vesiqalaştırğanda statuslı balalar, elçilik bergisini ödemeyler.

 

Aynı zamanda bu, hızmetniñ tamamınen bedava olacağı manasına kelmey. Çünki bu tür pasportnı vesiqalaştıruv arizasınen avtomatik bilgiler işlenmesiniñ fiyatı ödene.

 

Şimdi ise qayd etildi ki, öksüz balalar ve ana-babasınıñ vasiyliginden marum etilgen balalarnıñ qanuniy vekiller, tış pasportını vesiqalaştırğanda avtomatik bilgiler işlnemesiniñ fiyatını ödemeyler.

 

Aktnıñ yerine ketirilmesi, ecnebiy ülkelerge vaqıtnca alınğan statuslı balalarnñ menfaatını temin etmege yardım etecek.