Baş nazir Denıs Şmığalnıñ emrine ve vitse baş nazir İrına Vereşçuknıñ emrine binaen başqa menfaatlı taraflarnen beraber ReNazirligi, 2027 senesine qadar DAKniñ mesken aqlarını temin etüvnen bağlı devlet siyaseti strategiyasını azırlay.

Çiçek ayınıñ 18-inde Cumaaqşamı künü Strategiyağa tekliflerni azırlağan iş gruppasınıñ ilk oturışı keçti. Ukrainanıñ vaqtınca işğal etilgen topraqlarınıñ reintegratsiya meseleleri naziriniñ muavini Oleksiy Bruslıknıñ başlığınen oturış keçti.

Oturışta ReNazirligi, Ukrmaliyemesken, Devletyaşmesken, BMTnıñ qaçaqlar meseleleri agentligi (BMTnıñ QMA), Halqara migratsiya teşkilâtı, Ukrainadaki Avropa Şurasınıñ Ofisi, Ukrainadaki Danimarka qaçaqlar meseleleri şurası, “Tesir taqımı” Cemaat holdingi” CT, “Qorçalav aqqı” HF, başqa halqara ve yerli hayriye fondları ve teşkilâtlarnıñ vekilleri iştirak ettiler.

Oturışta iştirakçiler, Strategiya çezecek meselelerni muzakere ettiler. Teşkil meseleleri ve Strategiyanıñ leyhasınıñ esas qaidelerini basamaq-basamaq al etmek içün kelecek plannı tesbit ettiler.

“Bizim içün Strategiyanı kirsetmek eñ prioritetli yönelişlerimizden biridir. O, DAKni meskennen temin etmege ve olarnı yañı cemaatqa reintegratsiya ettirmege yardım etecek. Bundan ğayrı, rus tecavuzı sebebinden Vatanımızdan köçip ketken vatandaşlarımıznı ecnebiy ülkelerden qaytarmağa imkân yaratacaq”, – dep Oleksiy Bruslık qayd etti.