Bugün Lutsk şeerinde “Veteranlar – evge yol” forumı keçe. Vitse baş nazir İrına Vereşçuk, onlayn tedbirniñ iştirakçilerini hayırladı.

USAIDniñ “Şura: kelecek nesil” programmasınıñ desteginen, Volın VAM ve Volın vilâyet şurasınen işdeşliginde Yuqarı Şuranıñ İçtimaiy siyaset ve veteranlarnıñ aqlarını qorçalav meseleleri eyyeti, “Ukrainanıñ reabilitatsiya quvetleri” Fraktsiyalararası mebus birleşmesi forumnı teşkil ettiler.

Tedbirde Veteranlar meseleleri naziriniñ vazifesini yapqan Oleksandr Porhun, halq mebusları, “Ukrainanıñ reabilitatsiya quvetleri” Fraktsiyalararası mebus birleşmesiniñ azaları Taras Tarasenko ve İrına Konstankevıç, USAIDniñ Demokratik idare ofisiniñ müdiri Mark Elingstad ve başqaları iştirak ettiler.

Forumnıñ maqsadı – veteranlar ve aileleriniñ azaları, habersiz ğayıp olğanlar ve esir etilgen askerlerniñ ailelerini deste etici devlet siyasetini mükemmelleştirmektir. Bundan ğayrı, bu meseleni çezmek içün icra akimiyeti, halq mebusları, yerli öz-özüni idare organları, cemaat ve şahsiy sektorınıñ ğayerterlini birleştirmektir.

İrına Vereşçuk, şu anda öz borcunı berip toprağımıznı qorçalağan ve insanlarımıznı qurtarğan askerlerge teşekkür bildirdi. Bundan ğayrı, veteran siyaseti meselelerinde faalca iştirak etkeni içün halq mebusı Taras Tarasenkoğa teşekkür bildirdi.

«Esası – bizim veteranlarımıznı eşitmektir. Veteran cemaatı, er bir saasında potentsialımızdır. Em cenkten soñ yañıdan qurulışında, em işğalden azat etilecek topraqlar içün hadimler yedegini şekillendirüv, em de veteran biznesiniñ inkişafı ceryanlarında», – dep vitse baş nazir qayd etti.