Buhran qarşılıq meseleleri departamentiniñ qurulışında beş bölük ve sektor bar:

• buhran vaqialarınıñ idare meseleleri bölügi
• call-merkeziniñ işiniñ idare meseleleri bölügi
• buhran vaziyetinde olğan vatandaşlarnen alâqa meseleleri bölügi
• astyapını yañıdan quruv meseleleri bölügi
• sürgün etilgen kişiler meseleleri bölügi
• gumanitar minasızlaştıruv meseleleri bölügi

Buhran qarşılıq meseleleri departamentiniñ esas vazifesi – aşağıdaki meselelerde devlet siyasetini şekillendirmege ve kerçekleştirmege temin etmek:

• Ukrainanıñ bütün topraqlarında halqara gumanitar uquqnıñ qaidelerini raiyet etüv;
• kişilerniñ, Ukrainanıñ topraqlarınıñ qısmının vaqtınca işğali ya da qısımlarında kontrol etmeme neticesinde bozulğan aq-uquqlarını qoruma;
• silâlı çatışma vaqtınca grajdanlıq ealige gumanitar yardım etüv faaliyetini idare etüv;
• vaqtınca işğal etilgen topraqlarğa gumanitar yardımnıñ telükesiz ketirilmesini ve/ya vaqtınca işğal etilgen topraqlarda tınç yaşağan ealige ve yaralanğan tibbiy yardım bermege ve/ya tınç yaşağan ealini, yaralanğanlar ve telef olğanlarnıñ vaqtınca işğal etilgen topraqlardan tahliyesini temin etmek içün gumanitar koridorlarnı teşkil etüv tedbirlerini idare etüv;
• minağa qarşı faaliyet tedbirlerini keçirüv.

Buhran vaqialarınıñ idare meseleleri bölüginiñ esas vazifesi – silâlı çatışma vaqtında grajdan ealige gumanitar yardım berüv faaliyetini idare etmektir.

Call-merkeziniñ işiniñ idare meseleleri bölüginiñ esas vazifeleri:

• telefon ve başqa telekommunikatsiya vastalarınen Nazirlikniñ esasında teşkil etilgen başqa “sıcaq hatlar” vastasınen Nazirlikiniñ buhran meseleleri 15-48 (qısqa. – call-merkezi) “sıcaq hattı”, Devlet içinde alınğan kişiler meseleleri vekiliniñ sıcaq hattı, Mahsus vaziyetlerde habersiz ğayıp olğan kişiler meseleleri vekiliniñ sıcaq hattınıñ muntazam 24 saatlik işlenmesini temin etmek;
• acele idare ve tekliflerniñ ihtiyacı olğan içtimaiy-iqtisadiy yönelişleri meselelerinde call-merkezine yollanğan hitaplarnı talil etmek.

Buhran vaziyetinde olğan vatandaşlarnen alâqa meseleleri bölüginiñ esas vazifeleri:

• Bölükke, Departamentke yollanğan hitaplarnıñ baqılmalarını teşkil ve temin etmek;
• devlet siyasetini şekillendirmek (işiniñ yönelişlerini tesbit etmek) maqsadınen olarnıñ baqılmalarınıñ neticelerine köre tekliflerni azırlamaq.

Astyapını yañıdan quruv meseleleri bölüginiñ esas vazifesi – Ukainanıñ vaqtınca işğal etilgen topraqları ve olarğa yaqın topraqlardaki astyapınıñ yañıdan qurulmasını strategik planlaştırmağa dair işni idare etmektir.

Sürgün etilgen kişiler meseleleri bölüginiñ esas vazifesi – Ukraina vatandaşlarını, şu cümleden vaqtınca işğal etilgen topraqlarğa ya da Rusiye Federatsiyasınıñ, başqa ülkelerniñ topraqlarına, devlet akimiyeti organlarınıñ öz vazifelerini tamamınen yapqanı Ukrainanıñ topraqlarına qaytarılmasını teşkil ve idare etmek, ve milliy hususiyetlerge köre sürgün etilgen kişilerniñ aqlarını qorumağa temin etüv tedbirlerini keçirmektir.

Gumanitar minasızlaştıruv meseleleri bölüginiñ esas vazifeleri:

• patlayıcı şeylerden zarar körgen kişilerge dair malümatnı idare etmke, toplamaq, umumiyleştirmek ve talil etmek, bu tür kişilerni ve aileleriniñ azalarını tibbiy, ruhiy, ihitsasiy, içtimaiy yardımnen temin etüv tedbirlerini keçirüv ceryanında iştirak etmek;
• minağa qarşı faaliyet saasında malümatni idare etüv sistemasınıñ çalışmasını temin etmekte iştirak etmek;
• ealige patlayıcı şeylernen bağlı telükelerge dair malümat berici tedbirlerni idare ve temin etmek;
• işğalden azat etilgen topraqlarnıñ cemaatına patlayıcı şeylernen kirlengen telükeli topraqlarnı muntazam işret sistemalarını bermek.