E.g., 25.09.2022
E.g., 25.09.2022
E.g., 25.09.2022
E.g., 25.09.2022
E.g., 25.09.2022

İgor Yaremenko: «Reintegratsiya nazirligi, işğal etilgen Qırımda UOKni quvalağan kişilerge qarşı sanktsiya paketini azırladı

Опубліковано 31 January 2022 року, о 13:06

2021 s. avgust ayınıñ 8-inde mayor M. Gorevanovnıñ reberliginen Qurun MCnde «Ekstremizge qarşı çıquv merkezi» rus işğal rejiminiñ temsilcileri Bilogirsk rayonınıñ Balkı köyünde yerleşken Ukraina ortodoks kilsesiniñ Qırım yeparhiyasınıñ Aziz Dımıtriy Solunskıy manastırına sürip kirdiler. Rus quvetçileri, manastırnıñ baş papazı arhimandrit Damiannı zorbalıqnen ayinni toqtattılar. 

İşğalciler, böyle areketleri, ayinniñ Rusiye qanunlarına, bu cümleden «Qırım Cumhuriyeti adliye nazirliginiñ» qararına bozmasını esaslandırırlar. Ayinniñ bütün iştirakçileriniñ aqqında protokol yazıldı.

Reintegratsiy nazirligi bunı rus işğal memuriyetiniñ vaqtınca işğal etilgen Qırımnıñ sakinlerine nevbetteki tazyıq aktı dep sanır, ukrain vatandaşlarınıñ vicdan ve din serbestligi aqlarını qaba bozuvnı ayıplar.

«2014 senesinden işğalciler, vaqtınca işğal etilgen Qırım yarımadasından ukrain kilsesini zorbalıqnen sıqıştırıp çıqarırlar: UOKniñ qırım cemiyetiniñ mülküni qanunsız olaraq özümsüv, qaba zorbalıq, ayinni muntazam tarzda yasaq etüv. Bütün bu qanunsizlıqtan işğalci bir develt ve muayyen şahıslar, halqara aqqa köre mesül olamlıdır! Ukraina, mezkür bozuvlarğa bağlı kişilerge qarşı sanktsiyalarnı qullanmaqa içün olarnı identifikatsiya etmege devam etecek. Şimdi Reintegratsiya nazirligi Ukraina ortodoks kilsesine faal etmege mania olğan kişilerge qarşı sanktsiya paketini endi azırladı, yaqın zamanda Ukraina Nazirler Kabineti tarafından qabul etilmesi beklenir», - dep nazirniñ muavini İgor Yaremenko qayd etti.

Aktnıñ mezkür lehasınıñ, Rusiye Federatiyasınıñ makemecilerine ve Qırımda Ukraina ortodoks kilsesiniñ cemiyetini quvalavğa alâqası olğan başqa vazifedarlarğa qarşı sıñırlağan tedbirlerni qullanmağa tekilf etidegini qoşamız. Bu cümleden, Aqyar şeerinde Aziz aynı apostollı Volodımır kinaz ve Olga knagina katedral kilsesiniñ, başqa ibadet inşaatlarınıñ qanunsız musadere etilmesi, kilse mülküni bozulması, cemiyetni quvalama v.i.

Reintegratsiya nazirligi, din cemiyetleriniñ aqlarını bozuvlarnı, vaqtınca işğal etilgen Qırım ve Aqyar şeerinde siyasiy tarzda esaslı quvalavlarnı közetmege devam etmektedir.