E.g., 27.09.2022
E.g., 27.09.2022
E.g., 27.09.2022
E.g., 27.09.2022
E.g., 27.09.2022

Vitse-baş nazir Reznikovnıñ reberliginen ukrain delegatsiyası iş ziyaretinen AQŞda bulunmaqta

Опубліковано 31 January 2022 року, о 14:39

Ukraina vitse-baş naziri - Ukrainanıñ vaqtınca işğal etilgen topraqlarınıñ reintegratsiya meseleleri naziri Oleksiy Reznikovnıñ reberliginen ükümet delegatsiyası iş ziyaretinen Amerika Qoşma Ştatlarına ketti.

Böylece, AQŞnda da Veteran işleri naziri Yuliya Laputina, Ukraina agrar siyaset ve azıq naziri Roman Leşçenko, Ukraina iqtisadiyat naziriniñ muavini - Ukraina ticaret vekili Taras Kaçka, «Ukroboronprom» DKniñ general direktorı Yuriy Guseev bulunmaqtadır.

Ziyaret çerçivesinde AQŞ köy hocalığı nazirliginen, suvaruv saasında leyhalarnı yerine ketirgen eñ büyük amerika şirketleriniñ vekillerinen körüşüvler ve olarnıñ istisal quvetlerini körmege, AQŞ veteran işleri nazirliginde, Devlet departamentinde, Amerika ukrain kongress eyyetiniñ vekillerinen, «Ukrain amerika veteranları» teşkilâtınen, Devlet departamentiniñ iqtisadiy bürosında, AQŞ Prezidentiniñ iklim meseleleri mahsus vekiliniñ ofisinde, AQŞ mudafaa naziriniñ muavininiñ yardımcısınen, taliliy merkezlernen ve mudafaa mahsulatını istisal etken amerika şirketlerinen körüşüvler planlaştırıldı.

2021 s. avgust ayınıñ 9-ında Oleksiy Reznikov Yatırımnı kefalet etüv çoq taraflı agentliginiñ (MIGA) icraiy Vitse-prezidenti Hirosi Matanonen körüşti.

Subetdeşler, Ukrainanıñ vaqtınca işğal etilgen topraqlarında iqtisadiy ve gumanitar vaziyetni ve Ukraina Ükümetiniñ nezareti astıdaki Donetsk ve Lugansk vilâyetleriniñ iqtisadiy inkişaf programmalarına MIGAnıñ ve World Bank Groupnıñ başqa bölükleriniñ çekmesini muzakere ettiler.

Harisi Matanonen körüşüvde Bölgelerniñ iqtisaidy inkişaf strategiyasını yerine ketirüv çerçivesinde MIGAnıñ, Donetsk ve Lugansk vilâyetlerinde yabancı yatırımcılarnı arbiy-siyasiy telükelerni sigorta yapuvda iştirakine dair esaslar muzakere etildi.

Oleksiy Reznükov, farqlı ülkelerniñ yatırımcıları içün bu bölgelerge, bu cümleden köy hocalığına, gaz çıqaruvğa, litiyni ve siyrek topraq madenlerini qazıp çıqaruv ve işlevge, sanayı park ağını işkişaf etüvge yatırımlarnıñ elverişli olacağını qayd etti. Ukrain vitse-baş naziri qoştı ki, Strategiya, arbiy-siyasiy telükelerni sigorta etüv sistemasını, bu cümleden milliy ve halqara sigorta şirketlerini çekerek milliy sigorta ağını, milliy ükümetler tarafından teşkil etilgen sigorta etüv mehanizmlerini şekillendirüvni yaratuvnı esapqa almaqtadır. «Reformlarnı kirsetüv, RF silâlı tecavuzından zarar körgenlerni inkişaf etüv ve iqtisadiy stabillikni şekillendirüv - birinciden Ukrainanıñ menfaatıdır. Faqat yardım bizim içün zararlı olmaz. Bu mehanizmni daa çabik çalıştırmaq içğn MIGAnıñ mehanizmlerini kirsetüvge menfaatımız», - dep Reznikov qayd etti.